Времињата се менуваат, но навиките остануваат. Така некако може да се протолкува она што требаше да се случи вчерашниот ден (Сабота) а не се случи.

Имено во Македонија како по некое правило народот секогаш бил поделен. Било некогаш, а така е и сега. Поделеноста на нашите и вашите, на патриотите и на немакедонците е присутно и сега во 21-виот век.

Е па сега кои се патриотите а кои не никој со сигурност не може да каже, па затоа и прашањето е кон сите, зошто вчера во Кочани не се случи оддавање на било каква почит кон едно од најголемите имиња од Македонската историја Гоце Делчев.

Вчера (04Февруари) се навршија точно 145 години од раѓањето на големиот револуционер, но освен во неколку градови во државата на други места како и да не знаеја за оваа дата.

Затоа сакам јавно да ги прашам оние кои со векови не делат а сега се претставуваат како патриоти, каде беа вчера, дали знаеја што ден е и зошто ниту со еден збор не го барем спомнаа големиот Гоце Делчев.

Непознавањето на својата историја и непочитувањето на великаните на овој народ е за еден голем срам и ништо повеќе.

С. Ивановски

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари