Многу музички настани, културни активности, и другите традиционални содржини ќе бидат дел од годинешната културна манифестација „Петровден 2017“, беше најавено на денешната прес конференција што се одржа во НУЦК „Бели Мугри“ во Кочани.

Концертите на кочанските музички групи „4 и 21“, „Мјау“, „Шекспир“, „Криптон“, „А позитив“ „Игуана“ и оркестарот на „Неат Велиов“, како и концертот на „Гиш“ и „Гуру Харе“, „Natty fijah – хип-хоп“ и Џез концертот на „Тони Китановски Трио“ ќе се одржат на „Летната сцена“.

Годинешната ликовна колонија „Св. Пантелејмон“ на која ќе учествуваат дванаесет млади уметници ќе се реализира на Кејот на „Кочанска Река“, а традиционалниот Влашки етно фестивал „На Петровден сите на планина“ на „Пониква“.

Во склоп на манифестацијата ќе биде поставувањето и на камен-темелник на пречистителната станица за отпадни води во близина на село Мојанци а ќе биде приреден и прием за годинешните наградени ученици од ОМУ „Ристо Јуруков“.

„Духовната академија“ е на програмата во салата на НУЦК „Бели Мугри“, а по Свечената божествена литургија што ќе се одржи во црковниот храм „Св. великомаченик Георгиеј“ ќе започне „Петровденското оро“ по што ќе следува Литија и кршење на петровденскиот колач.

Манифестацијата завршува со свечената седница на Советот на Општина Кочани на која ќе бидат доделени годинешните Петровденски награди.

Интересни содржини кои секако дека ќе го привлечат вниманието на кочанската пробирлива публика.

С. Ивановски

unnamed (1)

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари