Во првиот контролен натпревар пред почетокот на првенството во Втората Фудбалска Лига – Исток, подмладениот состав на „Осогово“ му даде силен отпор на еден од аспирантите за првото место „Борец“ од Велес.

„Жетварите“ загубија со 0:3 (0:1) но според желбата и играта што ја прикажаа не разочараа. Евидентно е дека „Осогово“ е доста ослабено во споредба со минатото првенство, но сепак некои млади играчи доколку продолжат да тренираат и да имаат желба за докажување можат да бидат и изненадувањето кога е во прашање стартниот состав на екипата.

Ова е прв натпревар на „жолто-сините“ во кој се виде дека „материјал“ има но екипата доколку сака да обезбеди и следната година второлигашки натпревари мора да изнајде барем уште по еден квалитетен играч на речиси сите позиции. Младите играа се трудеа колку што можеа, но очигледно им недостасуваше искуство што екипата на „Борец“ до максимум го искористи.

Следниот натпревар „Осогово“ ќе го игра веќе во Среда повторно во Кочани а овој пат противник ќе им биде прволигашот „Силекс“ од Кратово.

С. Ивановски

DSCN8019

DSCN8088

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари