Градоначалникот на Општина Кочани, Ратко Димитровски го посети градилиштето на Пречистителната станица за отпадни води во Мојанци и направи увид во работите на колекторот дел 1.

„Забележуваме дека состојбата е работна, механизацијата е вклучена целосно, изведувачот WTA и подизведувачот „Жикол“ квалитетно ја извршуваат својата работа, и ги решаваат оние почетни проблеми што ги имаа со подземните води. Сè на сè регистрираме еден нормален тек на работите на Пречистителната станица“ соопшти градоначалникот Димитровски.

Според раководителот на градежните работи, на објектот Пречистителна станица се изведуваат подготвителните работи, по што ќе следува подобрување на тлото и за кратко време ќе следуваат бетонските работи.

„Работите течат според предвидената динамика. Се соочуваме со проблем со подземните води кои се со голем интензитет, настојуваме со поголем број пумпи да ги совладаме и да течат нормално сите градежни работи“ изјави раководителот на објектот, Видое Стојковски.

DSC_0033 (Mobile)

DSC_0057 (Mobile)

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари