Пет пријави, сите од архитекти од Македонија пристигнале во Општина Кочани по објавениот оглас за идејно решение за уредување на парк во околината на „Споменикот на слободата“ на ридот Локубија.

По разгледаните пријави, пет члена жири-комисија од Локалната Самоуправа – Кочани одлучила дека само една од петте пријави заслужува поголемо внимание. Прифатен е предлогот на архитектот Сара Симоска од Скопје која како трето наградена ќе добие награда во износ од 25.000,00 денари. Втора и прва награда не се доделија.

Во објавениот оглас се бараше понудите од стручни лица да содржат изводливост и одржливост, оригиналност и репрезентативност на концептот, креативност и инвентивност во пристап на обликување, современ третман на просторот и читливост на идејата на проектот.

Целта на идејното архитектонско решение за паркот на Локубија е да се среде доминантната квота што се отвора кон југ а е со површина од над 13.00 м².

Инаку Монументалното здание „Споменикот на слободата“ кое е отворено 1981 година е дело на авторите Глигор Чемерски и Радован Раѓеновиќ и претставува едно од позначајните споменици на НОБ.

С. Ивановски

 

P1010475

 

DJI_0013-3

 

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари