Многу честа тема на разговор во предизборието помеѓу граѓаните кои си го сакаат Кочани беше дали по изборите новиот состав ќе ги врати историските обележја на општината, стариот грб на Кочани и враќањето на шест децении старо името на улицата „Маршал Тито“.

И за едното и за другото добиваа ветувања и од челниците од ОО на СДСМ – Кочани и од советниците кои беа на листата а сега се наоѓаат во советничките клупи и го претставуваат мнозинството во советот.

Предлогот да се смени грбот на Општина Кочани беше со образложение дека има премногу бои и дека има повисока цена кога се печатат материјали, а и врапците знаеја дека идејните решенија на новите грбови речиси за сите општини во државата требаше да ги изготви фирма блиска на власта. Но тогаш мнозинството во Советот (ВМРО ДПМНЕ и Коалиционите партнери) изгласа она што мораше да се изгласа.

Предлогот за смена на името на најстарата вистинска улица во градот од „Маршал Тито“ во „ВМРО“ беше по предлог на советникот од редовите на ВМРО ДПМНЕ Марија Ананиева на 25-тата седница на Советот на Општина Кочани одржана на 14.11.2014 година. Тогаш советниците од мнозинството (ВМРО ДПМНЕ и Коалиционите партнери) донесоа одлука, но до ден денес името во ниту една институција не е сменето (катастар, управа за приходи, централен регистер, …..) ниту пак некој жител на таа улица ги има сменето документите.

Кандидатите за советници пред изборите ветуваа, сега станаа советници и го сочинуваат мнозинството во Советот, на ред е да го реализираат ветеното.

С. Ивановски

P1930367

P3660214

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари