За време на вчерашното, четврто по ред порибување на вештачкото езеро „Гратче“ една слика непријатно делуваше на сите присутни.

Имено додека едни се обидуваат со порибување на езерото го направат рај и за туристите но и за рибарите, други се однесуваат крајно нецивилизирано.

Фрлени предмети во водите од кои најмногу има пластични шишиња делуваат непријатно a како што дознавме преди се тоа е последица од несовесни рибари кои по заминувањето од риболов сето тоа го оставаат или на брегот или го фрлаат во езерото.

Од членовите на „Кочански рибар“ добивме податок дека тие досега неколкупати ја имаат исчистено и околината и езерото од смет посебно од пластични шишиња, но и тие како што истакнуваат не можат секогаш секого да контролираат дали некој од тие е тој што го загадува езерото.

Знаејќи го капацитетот на некои луѓе, од „Кочански рибар“ на таблата залудно не напишале: „Секој риболовец по завршување на риболовот местото да го остави очистено. Доколку затече неочистено место, истото да го информира рибочуварот или рибочуварската контрола“.

Мора сите што го посетуваат езерото „Гратче“ да сфатат дека чистото езеро и чистата околина е за доброто за сите.

С. Ивановски

DSC07368

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари