Во последниот натпревар како домаќини во есенскиот дел од првенството ракометарите на „Младинец“ заслужено загубија од подобриот противник „Лазарови“ од Свети Николе  26:28 (9:11).

Домаќините бодрени од околу триста гледачи добро го започнаа натпреварот, но кон средината на првото полувреме направија неколку грешки што одличната екипа од Свети Николе знаеше да ги казни па на одмор се замина со два гола предност за „Лазарови“.

Решавачки на овој натпревар беше почетокот од второто полувреме кога гостите направија серија од 4:0 што беше преголема разлика за кочанчани.

Најефикасен играч на натпреварот беше десниот бек на „Лазарови“. Александар Стојков кој постигна 10 погодоци, а додека кај домачините 6 погодоци постигна Благој Ананиев, а Христијан Стојанов и Давид Јакимов по пет пати ја затресоа гостинската мрежа.

С. Ивановски

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари