Се одиграа натпреварите од 11-тото последно есенско коло во Првата Фудбалска Лига за жени. Кочанчанки загубија на домашен терен, дербито во Велес за „Тиверија“ а еден од дебитантите во лигата „Каменица Саса“ ја забележа првата победа и тоа на гостински терен.

Интересен натпревар се одигра во Кочани помеѓу „Кочани“ и „Ас Јунајтед“ од Струга кои заврши со пораз за домаќинките 2:4 (1:1).

Кочанчанки поведоа во 29’ со голот на Ѓорѓиева но стружанки преку Максути го израмнија резултатот само минута подоцна.

Второто полувреме донесе интересен и возбудлив фудбал. Се играше 62’ кога по една интервенција надвор од казнетиот простор домашниот голман Фроска Костова заработи црвен картон. Од тој слободен удар гостинките со голот на Речи дојдоа во водство. Во 73’ Атанасова го изедначи резултатот и се влезе во една интересна завршница во која гостинките со погодоците на Речи (77’) и Рубинова (80’) дојдоа до мошне значајна победа.

Комплетни резултати од 11-тото коло:

„Кочани“ – „Ас Јунајтед“  2:4

„Борец“ – „Тиверија“  2:3

„Њу Јорк“ – „Каменица Саса“  2:4

„Тетово“ – „СЦ Истатов“  1:8

„Драгон“ – „Атлетико“  2:1

„Речица“ – „Топ Гол“  3:1

Есенскиот дел на првата позиција го заврши екипата на „Драгон“ со 33 бода, а по него следуваат „Тиверија“ 30, „Атлетико“ и „СЦ Истатов“ со 24, „Борец“ 22, „Ас Јунајтед“ 19, „Топ Гол“ 12, „Кочани“ 10, „Тетово“ 9, „Речица“ 8, „Каменица Саса“ 4 и „Њу Јорк“ 0 бодови.

С. Ивановски

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари