Додека учесниците во сообраќајот искажаа збори на одобрување за повторното воспоставување на сообраќајот во две насоки од „Кружниот тек“ до мостот кај „Шопинг центарот“, сопствениците на дуќаните на овој потег со спротивставен став.

Сакајќи да го искажат нивното задоволство тие денес закажаа средба со Градоначалникот на Општина Кочани Николчо Илијев, кој ја прифати нивната покана и одржаа средба кај „Кружниот тек“.

Сопствениците на дуќаните побараа улицата повторно да биде еднонасочна бидејќи тие во оваа пригода немало каде да ги паркираат сопствените возила а и тоа дека нивните муштерии нема да можат да запираат пред нивните дуќани и со тоа ќе им се уништил бизнисот.

Илијев најпрвин ги сослуша сите а потоа им објасни дека знае тој дека ова не е кој знае колку добро решение но е убеден дека во моментот е сепак поприфатливо од претходното. Како што подвлече тој места за паркирање муштериите можат да најдат од спротивната страна на речното корито и дека можат да си дозволат да дојдат пеш до овде и да пазаруваат.

Илиев истакна дека најпрвин МВР направило скенирање на состојбата, по што изготвило решение кое било одобрено преку СВР Штип кое тие го прифатиле. Со прифаќањето на решението биле задоволни барањата на многу голем број на жители од градот.

На средбата Градоначалникот истакна дека сите овие проблеми ќе бидат решени во моментот кога ќе се изгради катна гаража.

Сообраќајниот режим во две насоки останува и понатака да функционира.

С. Ивановски

DSCN8704

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари