Кон средината на минатиот месец (12.ЈДекември 2014) се навршија точно три години откако тогашните советници од власта на „мускули“ го сменија името на најголемата улица во градот „Маршал Тито“ и истата ја преименуваа во „ВМРО“.

Ако се земе во предвид дека пред тоа (19. Јануари 2010) го сменија и грбот на општината кој беше еден од најубавите во државата и за кој авторот има добиено голем број на признанија, излегува дека секогаш кога советниците од ВМРО ДПМНЕ и нивните коалициски партнери ќе добиеја сигнал, веднаш менуваа по некој историски знак на градот, односно ја менуваа традицијата.

Минатата година во пресрет на „Локалните избори“ како едно од ветувањата на кандидатите за советници од СДСМ и коалиционите партии беше дека доколку го имаат мнозинството во Советот на Општина Кочани ќе го вратат стариот грб, гордоста на Кочани и најголемата улица во градот повторно ќе го добие името „Маршал Тито“.

Граѓаните со мнозинство гласови им го дадоа мандатот па сега ред е она што го имаат ветено и да го реализираат.

Досега се правдаа дека на изминатите пет седници имале за решавање поважни прашања, и дека на следната седница ќе се најдат на дневен ред и точките за враќање на името на улицата „Маршал Тито“ и на стариот грб на Општина Кочани.

Следната седница ќе биде закажана во тековниот месец, на која ќе чекаме да видиме дали ветеното и ќе биде реализирано.

С. Ивановски

P1930367

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари