На последниот состанок, кој нелегалниот Претседател на ФФМ го одржа со прволигашите, истите одбија понатаму да ја покриваат злоупотребата на средствата за солидарност на УЕФА од страна на Илчо Ѓорѓиоски.

Прволигашите си ги побараа своите пари кои УЕФА со години ги уплаќа на сметка на ФФМ а наменети се за клубовите на Првата лига. (вкупната сума е преку 1.000.000 евра)

Оваа злоупотреба ние ја презентиравме уште пред 2 години, а ја обзнанивме и за јавност во нашите соопштенија од 01.03.2017 и 21.11.2017. За истото е известена и УЕФА.

Претходно, Илчо ја призна и нерегуларноста на Собранието одржано на 18.02.2017 со комплетна промена на сите членови на Статутот на ФФМ, за кои ние укажавме дека перманентно се прекршуваат и го прават секое Собрание на ФФМ, одржано по 2012 година нерегуларно. (наше соопштение од 03.02.2017.)

Инаку,нерегуларни Собранија на ОФС, како неодамнешното во Кочани, продолжуваат….

Со оглед на тоа што се, ќе треба понатаму уште да признае Илчо, како последна шанса за опстанок на чело на приватизираната ФФМ во одбрана го повика Претседателот на УЕФА. А таму, сè знаат. Дали и тие ќе мижат како претходната власт, ќе видиме.

Обединети за фудбал

Драган Томовски с.р.

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари