По долги години „Осогово“ одигра еден меѓународен натпревар. Во саботата „жетварите“ гостуваа на „Дубочица“ во Лесковац (Србија) каде го забележаа првиот пораз во подготвителниот период 1:2 (0:1). Но и покрај поразот  тренерот на „жолто-сините“ Крсте Крстев е задоволен од залагањето на играчите и од она што фудбалски го  прикажаа.

„ Домаќините одлично не примија, но поради врнежите на дожд теренот на кој тие ги играат натпреварите беше доста мек па за да не дојде до некои несакани повреди кај играчите од обете екипи а и да го сочуваат за првенствените натпревари одигравме натпревар на друг терен кој беше далеку од добар. Но теренот каков беше за нас, така беше и за нив. Во првото полувреме иако натпреварот беше изедначен примивме гол и со негатива заминавме во соблекувалните. Во второто полувреме домаќините уште еднаш ја затресоа нашата мрежа што сепак не не обесхрабри, напротив игравме како да е 0:0 па во 74’ постигнавме гол и го намаливме резултатот. До крајот на натпреварот нашата физичка подготвеност дојде до израз, создадовме неколку изгледни шанси за гол, во последната минута не ја погодивме празната мрежа и поразот беше неминовен. Задоволен сум од она што го прикажавме но ме радува и формата во која влегуваме кон крајот на подготовките“ рече Крстев во телефонскиот разговор.

Инаку екипата на „Осогово“ во Лесковац отпатува без неколку играчи од првиот состав. Паунов, Цветанов и Блажев не можеле да се ослободат од работните обврски и останале во Кочани а во 25’ по еден незгоден старт на домаќините болка во ногата почувствувал и новото појачување Костадинов кој морал да ја напушти играта.

С. Ивановски

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари