Она што изминатите години не можеше да се замисли, денес се најде пред советниците на Советот на Општина Кочани на 7-та седница.

Градоначалникот на Општина Кочани Николчо Илијев побара на седницата на Советот да се стави точка на дневниот ред по која беше донесено одлука сите четири локални медиуми ( Телевизија Канал 8, Телевизија Кочани, Радио Кочани и електронскиот портал Комарец) да добиваат финансиска помош.

Така беше изгласано да во следните 11 месеци во оваа година Телевизија Канал 8 да добива месечен надомест од 22.500,00 денари, Телевизија Кочани – 17.500,00 денари, Радио Кочани – 6.000,00 денари и електронскиот портал Комарец – 4.000,00 денари.

Со донесувањето на ваквата одлука советниците сметаат дека со овие средства колку-толку ќе им се помогне на медиумите кои пак ќе имаат задача да ги реално информираат граѓаните за сето она што ќе се случува во општината.

Од постоењето на Советот ова е за прв пат сите медиуми да добијат дел од колачот.

С. Ивановски

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари