Општина Виница од крајот на март може да аплицира за користење средства од програмата „11“ за подршка на Стратегијата и Декадата на Ромите.

Министерот без ресор Аксел Ахмедовски, на средба со градоначалникот Ивица Димитров, ги презентираше условите и критериумите за учество на Конкурсот, кои не бараат процентуално учество на општините.

„Не сакам да елаборирам со точната сума на средства, но за почеток се добар импулс за работа. Го известив премиерот дека неколку градови немаат Детални планови за ромските маала, но на овој Конкурс ќе може да се аплицира само со предлог документација, и со конкретна пресметка за потребните средства“, истакна министерот без ресор, Аксел Ахмедовски.

„Во Ромското маало има повеќе приоритети, но најмногу се во делот на Урбанизмот. Планираме со довршување на потпорните ѕидови на улицата „Иво Лола Рибар“, како и реконструкција на повеќе улици. Општината има готова документација за повеќе проекти овде, така да очекуваме дека со овие средства кои ќе бидат обезбедени од Програмата 11, ќе реализираме дел од нив“, изјави градоначалникот Димитров.

На средбата беше најавено и спроведување на акцијата „Мрдни со прст“ во Виница, за реконструкција на спортското игралиште во Ромското маало, како и чистење на депониите, а истата ќе се реализира во пресрет на 8-ми април, Светскиот Ден на Ромите.

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари