Членови и поддржувачи од Кочани на Здружението „Борка“ учествуваа на десеттата Розова прошетка за издигнување на свеста за борба против ракот на дојка. Со поддршка во организиран превоз од Општина Кочани, претставничките дадоа личен придонес во настанот чија цел е да ја поттикне грижата за здравјето.

Според Валентина Андонова, координаторка на „Борка“ за Кочани, учеството во Розовата прошетка е поддршка за сите што страдале од ракот на дојка и за нивните семејства кои ги делеле нивните страдања.

„Грижата за сопственото здравје е најдобриот лек и сите жени што во моментов не направиле преглед повикуваме да го направат со цел навреме да се открие и да се лекува болеста. Со подигање на јавната свест може да се спречат многу жртви од оваа болест“ повика Андонова.

На настанот во Скопје им беше врачен „медал на честа“ на десетмина жени и мажи, кои ја победиле оваа болест и за нивната посветеност во кампањата „Напред розово“.

DSC_0049 (Copy)

DSC_0028 (Copy)

DSC_0032 (Copy)

DSC_0038 (Copy)

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари