Се асфалтира регионалниот пат Виница  – Лески – Зрновци, и до завршување на градежните активности, сообраќајот на овој патен правец ќе се пренасочува преку околните населени места.

Со проширување од 4 на 4,25 метри и со нов слој асфалт, главната и најфреквентната сообраќајница, регионалниот пат Виница-Зрновци, Виница-Лески , од денес во ново „руво“

„Со проширување и асфалтирање на 1.850 метри од регионалниот пат Виница-Зрновци, или поточно од мостот на Градечка река, па се до раскрсницата меѓу Виница, Лески и Зрновци,општина Виница денес реализира еден крупен инвестициски зафат од 10 милиони денари. Остваруваме едно големо ветување пред жителите на село Лески, кои со децении го чекаат овој асфалт, но и значително олеснување за жителите на Зрновци, кои редовно сообраќаат на таа релација. Средствата за овој проект ги обезбедивме од Јавното претпријатие за улици и патишта, но за Лески имаме уште приоритети. Планирано е асфалтирање на уште една поголема улица во с.Лески, канализација на две улици, а како највреден проект за кој си презедовме обврска да го реализираме е приклучување на Лески со градскиот водовод, инвестиција од 200.000 евра, а средствата ќе бидат обезбедени од Министерство за транспорт и врски и општина Виница“ рече градоначалникот Ивица Димитров.

„За 600 активни жители од ова населено место, реконструкцијата е ветување кое го чекаат со децении“ – изјави жители на с.Лески

До завршување на градежните активности од страна на изведувачот „Македонија пат“, сообраќајот на овој патен правец ќе се пренасочува преку соседните населени места.

Општина Виница

DSC_2898

DSC_2879

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари