Почитувани сограѓани,

Во пресрет на еден од најрадосните празници, дозволете ми од мое лично име и од името на општинската администрација да ви го честитам големиот христијански празник Раѓањето Христово – Божик и да ви посакам празничните денови да ги поминете во добро здравје, радост и среќа.

Бидејќи се соочуваме со здравствена криза, ве повикувам на совесно и одговорно празнување. Радувајте се на празниците, но избегнувајте групирања и масовни традиционални обичаи, како што е палењето на бадникарскиот оган.

Празникот нека внесе мир, спокој и добрина кај сите и нека биде поттик да бидеме луѓе кои градат вистински христијански вредности, меѓусебно почитување и солидарност.

Честит Божик!

За многу години!

Градоначалник на Општина Кочани

Николчо Илијев

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари