Се одиграа натпреварите од третото, последно коло во „Група 1“ од годинешните „Илинденски Спортски Игри Чешиново 2016“.

Бидејќи по двете одиграни кола „Бање“ го беше обезбедила првото место, натпреварот „Ново Село“ – „Карбинци“ беше дерби на колото  по кое ќе се знаеше и вториот патник во доигрувањето.

По доста возбудувања и игра со пресврти на крајот екипата на „Ново село“ славеше со резултат 3:1 (0:1). Екипата на „Карбинци“ поведе кон средината на првото полувреме кога по неуспешната офсајд замка нивниот најистурен играч изби сам и со одмерен лоб удар ја заниша мрежата на „Ново Село“.

Во второто полувреме се чини дека работите и квалитетот си дојдоа на свое место. Најпрвин играчите на „Ново Село“ го изедначија резултатот со удар од дваесетина метри за да во 63’ поведат по добро нафрлената топка и ударот со глава. Третиот погодок „Ново Село“ го постигна во последната минута од натпреварот.

Ако на првиот натпревар имаше доста возбудувања и пресврти на натпреварот „Кучичино“ – „Бање“ се беше познато веќе по првото полувреме кога „Бањани“ обезбедија водство од три гола разлика за да на крајот фаворитот „Бање“ славеше со 6:2 (3:0).

Судиската тројка на чело со Спире Арсов одлично го отсуди овој интересен натпревар.

Конечна табела:

1. Бање                      9  (12:04)

2. Ново Село           6  (12:04)

3. Карбинци            3  (06:07)

4. Кучичино             0  (03:18)

С. Ивановски

2

3

 

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари