Швајцарската амбасадорка Сибиле Сутер Тејада се сретна со градоначалникот на Општина Кочани, Ратко Димитровски. Средбата во Општината беше само дел од низата активности на амбасадорката во регионот, со цел да се запознае со проектите што се реализираат овде, со поддршка од Швајцарија.

„Овде поддржуваме производство на ориз на иновативен начин, на експериментална површина, со помалку вода и пестициди, со цел да добиеме органски квалитет и повисока цена на овој производ“ рече амбасадорката Сутер Тејада.

Градоначалникот Димитровски истакна дека за време на средбата разговарале за повеќе теми.

„Една е иновативноста што ја поддржуваат во процесот на производството на ориз, потоа разговаравме за проектот за изградба на пречистителна станица во Кочани, за проектите за заштита на животната средина во Кочани и на Пониква и за поддршката што ја имаме во делот на форумските заедници. Очекувам оваа корисна соработка со Швајцарската Конфедерација да продолжи и понатаму“ истакна Димитровски.

de55e7c6-b557-44ea-9f2c-78e89b0ddc4e

ce00945c-f3fa-4120-aee6-4b679d30bb53

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари