Деновиве до медиумите беше доставена Одлука за организирање на Јавна расправа, потпишана од Градоначалникот на Општина Кочани, Ратко Димитровски.

Како што се наведува во одлуката, Јавната расправа е во врска со измената на режимот на сообраќај на неколку улици во градот, претежно од Централното градско подрачје.

Во самата одлука се наведува кои улици би станале еднонасочни:

Улицата „Илинденска“ би била еднонасочна од Православниот храм „Св. Ѓорѓи“ до „Средновековната кула“ односно до спојот со улицата „Д-р Николиќ“, а левиот крак со спојот со улицата „14 Бригада“.

Улицата „Д-р Николиќ“ би била еднонасочна од „Црвен Крст“ до КЈП „Водовод“.

Улицата „Маршал Тито“ (ВМРО) би била еднонасочна во правецот Југ-Север, од „Двојниот мост“ (Чеплен) до мостот на „Шопинг центарот“, а улицата „Кеј на Револуцијата“ во правец Север-Југ, од мостот кај „Шопинг Центарот“ до „Кружниот тек“.

Претходните еднонасочни делови од улиците си остануваат на сила.

Многумина сепак си го поставуваат прашањето „Се крие ли нешто зад јавната расправа“?

Според добрите познавачи на приликите во градот откако не пројде одлуката на Советот на Општина Кочани за плаќање паркирање со СМС пораки сега се изнаоѓаат нови начини да се зголеми барем бројот на паркинг места во градот од каде би се полнел Буџетот на општината кој поради големата превработеност не може да ги покрие сите трошоци.

Нешто се „готви“ но што? Ќе покаже Јавната расправа која што е закажана за 30.08.2016 година со почеток во 10:00 часот во салата на Советот на Општина Кочани.

С. Ивановски

2

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари