Последниот ден од месец Август, во Музичкото училиште „Ристо Јуруков“ концерт одржа Александра Коцевска, мецосопран, со уметничкиот соработник Глигор Гелебешев.
Коцевска и Гелебешев настапија со дела од Џоакино Росини, Сантос, Векерлин, Фернандо Обрадорс…
Коцевска во моментот е хонорарен професор на Факултетот за музичка уметност во Скопје. Добитник е на значајни награди и признанија. Дипломирала соло пеење во класата на проф. Благоја Николовски, а постдипломски студии завршила во класата на Билјана Јовановска Јакимовска. Десетина години се занимавала со педагошка дејност – професор по соло пеење во музичките училишта во Штип и во Скопје.
Глигор Гелебешев дипломирал на Академијата на уметности во Нови Сад, (Република Србија), во класата на проф. Јокут Михајловиќ, а својата кариера ја започнал како солист и камерен музичар, по магистрирањето на ФМУ во Скопје. Настапувал како солист на голем број концерти во земјава и во странство, на концерти со Македонската филхармонија и со камерниот оркестар на Македонската филхармонија.
Концертот на Коцевска и на Гелебешев беше последната содржина од манифестацијата „Топол културен бран“ во Кочани.

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари