Во хотел „Центро Бизнис“ во Виница денес новинарите од ЗНМ од истокот имаа работен состанок на кој беа разгледани предлозите и беа одредени добитниците за престижните признанија „Најдоброто од истокот 2016“.

По она што се дебатираше на состанокот признанијата ќе отидат во вистинските раце, со оглед на тоа дека сите наградени имаат дадено голем придонес во нивните области.

Признанието од областа на рударството од рудникот „Саса“ ќе отиде во рацете во лицето за кое ќе даде предлог самата компанија и неговото име дополнително ќе биде познато.

Од областа на „Стопанството“ признанието ќе и биде доделено на Печатница „Европа ’92“ од Кочани, а за Менаџер на годината е прогласен Николајчо Николов – Заменик Генерален директор во „Бучим“ од Радовиш. Од областа на „Културата“ годинешен добитник е Кирил Трајков и мандолинскиот оркестар „Свети Николај“ од Свети Николе, а признанието „Пријатели на Истокот“ ќе и биде доделено на Амбасадата на САД во Република Македонија.

22

Признанието од областа на „Здравството“ ќе им биде предадено на двоецот Николов и Јовев од Ангиографското одделение на Клиничката болница во Штип, а посебно признание ќе му биде доделено на Кардиохирургот Жан Митрев.

Од областа на „Образование“ наградата заминува кај професорката Соња Даниловска од ОУ „Никола Карев“ од Пробиштип, а од областа на „Туризмот“ кај Хотел „Манастир“ Берово. Компанијата „Албиро“ од Делчево е добитник на признанието од областа на „Хуманоста“ а од областа на „Невладин сектор“ Ротари клубот „Кочани-Виница“.

Признанието од областа на „Спортот“ ќе го понесе Планинарско Спортско друштво „Осогово“ од Кочани.

Годинава за прв пат се воведени признанија и за новинарите. Новинарот Горан Лефков ќе биде носител од областа на „Истражувачкото новинарство“ а Даниела Такева од новинарите од истокот, а посебно признание од областа на „Книжевноста“ ќе му биде врачено на Миле Георгијоски.

Признанијата на годинешните добитници ќе им бидат врачени на свечената вечер „Ноќ на источните оскари“ која ќе се одржи последниот петок од месец Февруари 2017 година, а местото на одржување дополнително ќе биде одредено.

С.Ивановски

33

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари