Веста објавено во еден спортски портал дека „Брегалница“ им кажала збогум на Александар Темелков и Стојанчо Велинов наиде на револт кај познавачите на фудбалските прилики во државата, односно кај оние кои се блиски и на „Брегалница“ а и се во добри односи со двајцата спомнати играчи.

Како прво и основно Стојанчо Велинов има потпишано договор со штипскиот прволигаш до летниот преоден рок, со можност доколку најде клуб кој ќе ги задоволи неговите барања, соработката може да биде прекината и шест месеци порано.

Состојбата со Александар Темелков е многу поинаква. Имено одличниот играч за врска имаше договор за настап до завршувањето на есенскиот дел од првенството што автоматски значи дека тој веќе е слободен играч и дека може да потпише за било кој клуб во земјата а и надвор од неа што секако ќе ги задоволи неговите барања.

Токму поради наведените причина за двајцата играчи кои заедно со Стефан Костов беа најдобри поединци во есенскиот дел од сезоната во „Брегалница“, не може и не треба така неинформирано да се пишува.

Инаку и двајцата играчи се зачудени од објавата бидејќи никој од новинарите со нив нема разговарано а како што бевме информирани тоа не е направено ниту со некој од одговорните во клубот.

С. Ивановски

 

unnamed (2)

Секое преземње на фотографии и копирање на текстовите без согласност на комарец повлекува фактурирање на име „Авторски права“.

Коментари