КОЧАНЧАНКИ ГИ ЗАПОЧНАА ПОДГОТОВКИТЕ

2012-01-22

Женскиот Фудбалски Клуб „Кочани“ ги започна подготовките за пролетниот дел на првенството во Првата Македонска Фудбалска и настапите во Купот на Македонија.

Во првата фаза девојчињата ќе работат на физичката подготвеност за што освен тренинзи на стадионот „Никола Мантов“ ќе посетуваат и теретана, а додека потоа следува работа со топка и одигрување на два контролни натпревари со „Иднина С“ од населбата Оризари.

Во екипата освен девојчињата кои настапуваа во есенскиот дел од првенството вклучени се и неколку млади играчи на кои тренерот Владо Андов сериозно смета во понатамошните првенства.

С. Ивановски