НОВО ЕЛЕКТРОНСКО НАДАВАЊЕ

2012-02-06

ОБЈАВА

за отуѓување градежно земјиште, сопственост на Република Македонија,
по пат на електронско јавно наддавање

Предмет на електронското јавно наддавање е градежно неизградено земјиште, сопственост на Република Македонија, предвидено со Деталниот урбанистички план за град Кочани.

Предмет на отуѓување се:
- 8 градежни парцели за индивидуално домување во местата викани Прокарка, Шатровик, „Бел камен“ и во Мојанци, од кои најмалата е со површина од 210 м2, а најголемата со 846 м2;
- 6 градежни парцели со намена за производство, дистрибуција и сервиси (лесна индустрија и мало стопанство) во местото викано Белски дол и во Оризари, со површина од 643 – 1991 м2;
- 5 градежни парцели со намена производство, дистрибуција и сервиси (лесна индустрија и мало стопанство) на ул. „Даме Груев“, со површина од 774 – 1215 м2;
- 1 градежна парцела за производтсво, дистрибуција и сервиси (за откуп, примарна и финална обработка на земјоделски производи) во месноста Ќерамидница со површина од 23 972 м2;
- 1 градежна парцела за големи трговски единици на ул. „Никола Карев“, со површина од 667 м2.
- 4 градежни парцели за викенд-куќи на Пониква, со површина од 318 до 429 м2;
- 1 градежна парцела за угостителски и сместувачки капацитети на Пониква со површина од 2348 м2.

Почетната цена е 61 денар по м2, освен за градежната парцела за голема трговска единица, за која почетната цена изнесува 2.000 ден. по м2.

Пријавите за учество на јавното наддавање за градежно земјиште за индивидуално домување и викенд куќи можат да се достават до 24. 02. 2012 година, а за градежното земјиште со намена за изградба на објекти за производство, дистрибуција и сервиси, за големи трговски единици и за угостителски објект - до 06. 03. 2012 година, на адреса на Општина Кочани: ул.”Раде Кратовче” бр.1, во Кочани, или директно во Едношалтерската канцеларија во Општината.

Условите за учество на електронското јавно наддавање, роковите и постапката можат да се најдат на огласната табла на Општината и на веб-страницата на Општина Кочани, www.kocani.gov.mk.